Յալթայի Սուրբ Հռիփսիմե եկեղեցին

Alpha News-ը շարունակում է ներկայացնել Սփյուռքում գործող հայկական եկեղեցիների մասին պատմող շարքը:

Սուրբ Հռիփսիմե եկեղեցին կառուցվել է 1909-1917 թվականներին։ Այս տաճարը բոլորովին նման չէ Մայր Աթոռ Սուրբ Էջմիածնի Սուրբ Հռիփսիմե եկեղեցուն։ Այն կառուցվել է նավթարդյունաբերող և բարերար Պավել Ղուկասովի ֆինանսական աջակցությամբ։

Եկեղեցու որմնանկարների հեղինակը հայ անվանի նկարիչ Վ. Սուրենյանցն է: 1917 թվականին նա հատուկ տեղափոխվել է Յալթա և բնակություն հաստատել եկեղեցու մոտ։ Բայց գլխավոր պատվիրատուի արտագաղթը և ֆինանսավորման դադարեցումը, հիվանդությունը, ինչպես նաև կառավարության փոփոխությունը բարդացրել են նրա աշխատանքը։ Սուրենյանցը հասցրել է նկարել միայն գմբեթը։ Կյանքից հեռացել է 1921թ. և թաղվել եկեղեցու պատերի մոտ:

1930 թվականին ռեժիսոր Յակով Պրոտազանովը նկարահանել է «Սուրբ Իորգենի տոնը» երգիծական հակակրոնական ֆիլմը։ Սուրբ Իորգենի տաճարի համար որպես բնություն օգտագործվել է Սուրբ Հռիփսիմե տաճարի բակը, աստիճանները և ներքին ինտերիերը։

Սուրբ Հռիփսիմե եկեղեցին եղել է նաև 1973 թվականին «Մոսֆիլմ» կինոստուդիայում Շեքսպիրի պիեսի հիման վրա նկարահանված «Շատ աղմուկ ոչնչից» ֆիլմի նկարահանման հրապարակում։