Հիսուս Քրիստոսի անվանակոչության օրը Մոսկվայի հայկական եկեղեցում տեղի է ունեցել Սուրբ ծննդյան միջոցառում
18 Հունվարի 2024, 21:45
![](https://media.alphanews.am/wp-content/uploads/2024/01/18151447/photo_5280777301522502661_y.jpg)
Հայկական եկեղեցական համալիրում Տեր Հիսուս Քրիստոսի անվանակոչության օրը Ռուսաստանում Հայաստանի դեսպանությանը կից Մոսկվայի հայկական կիրակնօրյա «Վերածնունդ» դպրոցի սաներն ավանդաբար անցկացրել են ուսումնական հաստատության պատմության 36-րդ Սուրբ Ծննդյան միջոցառումը։
Տիրոջ Պայծառակերպության տաճարում հյուրերին ողջունել են Տեր Գաբրիել վարդապետ Սարգսյանը, վարդապետ Վարդան Պողոսյանը՝ ներկաներին փոխանցելով Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանի շնորհավորանքի և օրհնության խոսքը:
Հյուրերն այցելել են նաև «Տապան» թանգարան՝ նվիրված հայ մշակույթին, պատմությանը և կրոնին: