Հայկական «Tsaghkunk Restaurant and Glkhatun»-ը՝ The Guardian-ի երազանքի մենյուում

Բրիտանական The Guardian թերթը հրապարակել է 20 եվրոպական ռեստորան, որոնք խորհուրդ է տալիս այցելել։ News.am-ի փոխանցմամբ՝ դրանց թվում է հայկական Tsaghkunk Restaurant and Glkhatun-ը։

Հայաստանն արժանի է ուշադրության, ասում է սննդի և ճանապարհորդության մասին հոդվածների հեղինակ Քերոլայն Էդենը։ «Եկեղեցիները, երաժշտությունը, թանգարանները, արվեստը և արշավը՝ բոլորը հասանելի են։ Գումարած՝ անհավանական սնունդը և գինին»,-ասել է նա:

Էդենի՝ «իսկապես մթնոլորտային ուտելու վայրերի» ցուցակի առաջին տեղում է Ծաղկունք փոքրիկ գյուղը և համանուն ռեստորանը, որտեղ նա երազում է վերադառնալ։

«Դրա մասին հեշտ չէ խոսել, և առանձնապես հեշտ չէ այնտեղ հասնելը, բայց եթե հետաքրքրված եք տեղական համերով, ապա սա Հայաստանում պարտադիր այցելության վայր է: Խոհարարները հնարամիտ են, սունկ ու խոտաբույսեր են հավաքում շրջակա բլուրներից, իսկ տանը կից կա ավանդական հացատուն՝ թոնիրով լավաշ պատրաստելու համար։

Այնտեղ այցելելը հիանալի ճանապարհորդություն կլինի Սևանա լճից, իսկ Երևանից մեքենայով մեկ ժամվա ճանապարհ է: Հենց հասնեք, անպայման պատվիրեք համեղ փքաբլիթ: Սա հենց այն յուրահատուկ ուտեստն է, որին հեռվից տենչում է Էդենը։ «Լեռնային խոտաբույսերով և մածունով լցոնված՝ դրսից խրթխրթան, ներսից՝ փափուկ և շատ համեղ»»,- պատմել է Էդենը։