Բոլոր բուհերի ուսանողներն ու դասախոսները պետք է ոտքի կանգնեն․ Մարգարիտ Սարգսյան
11 Մարտի 2024, 22:30
Կոմիտասի անվան պետական կոնսերվատորիայի պրոֆեսոր, դաշնակահար Մարգարիտ Սարգսյանը Alpha News-ի ուղիղ եթերում անդրադարձել է կոնսերվատորիան փակելու և այն ակադեմիական քաղաքին միացնելու մասին լուրերին։
«Կոնսերվատորիան երաժշտական միակ խոշորագույն բուհն է, որը պետք է շարունակի մնալ իր տեղում։ Կոնսերվատորիայի ղեկավարությունը նույնպես բուհը փակելու խոսակցությունների պատճառով շատ մտահոգ է, և գիտական խորհուրդը նամակ է ուղարկել մեր բուհի կողմից՝ ասելով, որ դա անթույլատրելի է։ Քանի որ մենք շատ անկանխատեսելի երկրում ենք ապրում ու երբեք չգիտենք՝ վաղն ինչերի առաջ կարող ենք կանգնել, իմ նման երաժիշտներն այսօր նաև նպատակահարմար են գտնում կանգնել կոնսերվատորիայի ղեկավարության կողքին։ Ընդհանրապես այս պրոցեսը բոլոր բուհերի հանդեպ շատ վատ ու ծանր պրոցես է, ես համարում եմ, որ մեր չխոսելը, լուռ լինելը շատ վատ է»,- ընդգծել է Սարգսյանը։
Նա կոչ է արել բուհերի ուսանողներին, դասախոսներին ոտքի կանգնել, քանի որ բոլորը պետք է տեր կանգնեն իրենց իրավունքներին։
Հիմա եթերում
