Արամ Ա կաթողիկոսը մեկնել է Կանադա՝ «Հզոր Սփյուռք՝ Հզոր Հայաստան և Հզոր Արցախ» տեսլականով և հանձնառությամբ

Մեծի Տանն Կիլիկիո կաթողիկոսությունը տեղեկացնում է, որ Արամ Ա կաթողիկոսը հովվապետական այցով մեկնել է Կանադայի Հայոց թեմ։

«Ինչպէս ծանօթ է մեր ժողովուրդի զաւակներուն, Ն.Ս.Օ.Տ.Տ. Արամ Ա. Սրբազնագոյն Կաթողիկոսը 2023 տարին հռչակեց «Սփիւռքի Տարի Բ.-Ինքնաքննութենէ Վերակազմակերպում»։ Այս շրջագիծին մէջ Վեհափառ Հայրապետը ձեռնարկած է հովուապետական այցելութիւններու՝ նպատակ ունենալով Սփիւռքի մեր գաղութներու վերակազմակերպումը, մեկնելով «Հզօր Սփիւռք՝ Հզօր Հայաստան եւ Հզօր Արցախ» տեսլականէն ու յանձնառութենէն։

Արդարեւ, Չորեքշաբթի, 31 Մայիս 2023-ին, Արամ Ա. Վեհափառ Հայրապետը հովուապետական այցելութեամբ մեկնեցաւ Գանատա, ընկերակցութեամբ Դպրեվանքի տեսուչ Հոգշ. Տ. Պարոյր Վրդ. Շէրնէզեանի եւ Մեծի Տանն Կիլիկիոյ Կաթողիկոսութեան Ազգային Կեդրոնական Վարչութեան Քաղաքական Ժողովի համա-ատենապետ Գրիգոր Մահսէրէճեանի։

Գանատայի հայոց թեմին շնորհած հովուապետական այցելութեան ընթացքին, 1-15 Յունիս, Հայրապետը հանդիպումներ պիտի ունենայ թեմի Երեսփոխանական Ժողովին, Ազգային Իշխանութեան, հոգեւորականաց դասուն, թեմական ու համայնքային պատասխանատու մարմիններու, միջ-եկեղեցական պատասխանատուներու եւ դիւանագիտական ու պետական անձնաւորութիւններու հետ։
Վերոյիշեալ հանդիպումներու ընթացքին պիտի արծարծուին գաղութի աշխատանքներուն, դիմագրաւած մարտահրաւէրներուն եւ վերակազմակերպան հանգրուաններուն հետ առնչուած հարցեր եւ պիտի մշակուին համապատասխան աշխատանքային ծրագիրներ»,- ասվում է հաղորդագրություննում։