Հայաստանը կարող է փոխարինել Եվրոպային Ռուսաստանի ծաղկի տաղավարներում

Ոչ բարեկամական երկրներից Ռուսաստան ծաղիկների ներմուծման սահմանափակումից հետո Հայաստանը կկարողանա փոխարինել ռուսական շուկայում ծաղիկների եվրոպական մատակարարներին: Այս մասին Ազգային լրատվական ծառայությանն ասել է «Գեղեցիկի տարրեր» դեկորի և ֆլորիստիկայի ստուդիայի համասեփականատեր Վերա Ազարովան:

Նրա խոսքով՝ Հայաստանի ծաղիկները չեն զիջում եվրոպականին։

«Ռուսական շուկայում նոր լավ խաղացող է հայտնվել: Դա Հայաստանն է։ Հայաստանը շատ լավ որակի վարդեր է մատակարարում։ Պայմանավորված այն հանգամանքով, որ երկիրը գտնվում է Ռուսաստանից ոչ հեռու, հեշտացվում է փոխադրումը, ինչի շնորհիվ կրճատվում են նաև ծախսերը։ Հայաստանի վարդերը կարող են այնքան դիմացկուն չլինել, որքան էկվադորյան կամ քենիական վարդերը, բայց, իհարկե, դրանք ավելի վատ չեն, քան ռուսական վարդերը: Բացի այդ, Հայաստանը Ռուսաստան է ներմուծում հիանալի մեխակներ և ալստրեոմերիաներ։

Այդ պատճառով, եթե եվրոպական ինչ-որ ծաղիկներ անհետանան ռուսական շուկայից, ապա Հայաստանը կարող է հանգիստ փոխարինել դրանք», — ասել է Ազարովան։