Արգենտինիայի Ռիո Գալեգոս քաղաքի Արմենիա փողոցն արդեն ունի իր անվանացանկի նշանները

Իր անվանումը ստանալուց գրեթե 10 տարի անց Սանտա Կրուս նահանգի Ռիո Գալեգոս քաղաքի Արմենիա փողոցն արդեն ունի իր նոմենկլատուրային նշանները, ինչի մասին հայտնել է Հայ ազգային խորհրդի ներկայացուցիչ Ալեխանդրո Ավակյանը։ Նա շնորհակալություն է հայտնել քաղաքապետարանին այս քայլի համար։

«Ի սկզբանե փողոցը բավականին հանդարտ էր, բայց քաղաքի արագ աճի պատճառով այն այժմ շատ բանուկ փողոց է, և ցուցանակն օգնում է, որ Հայաստան անունը լինի»,- նշել է Ավագյանը։

Ռիո Գալեգոսն ունի աշխարհում միակ հրապարակը, որը կոչվում է «Plaza Centenario del Genocidio contra el Pueblo Armenia», և որը 2015 թվականին քաղաքի Խորհրդակցական խորհրդում տեղի հայ համայնքի կողմից առաջ քաշված նախագծով կառուցվել է և բացվել 2021 թվականին՝ կորոնավիրուսի համաճարակից հետո։

Ավագյանը նշել է, որ վերջին օրերին ինքը հայ ժողովրդի պատմության վերաբերյալ մի շարք ելույթներ է ունենում տեղի դպրոցներում և Պատագոնիայի համալսարանի Պատմության ֆակուլտետի ուսանողների համար։