Հայ ծանրորդ Գևորգ Ղազարյանը դարձել է ծանրամարտի պատանեկան ԵԱ-ի արծաթե մեդալակիր

Հայ ծանրորդ Գեւորգ Ղազարյանը մինչեւ 96 կգ քաշային կարգում դարձել է արծաթե մեդալակիր Հունաստանի Սալոնիկ քաղաքում ընթացող ծանրամարտի Եվրոպայի պատանեկան առաջնությունում: Ոսկու համար պայքարում էին Գևորգ Ղազարյանը՝ 306 կգ (138+168) և Վրաստանի ներկայացուցիչ Լուկա Սիլագաձեն՝ 312 կգ (143+169):

Գևորգը հաջողությամբ բարձրացրել է երկու սեթ — 165 և 168 կգ, բայց այն բանից հետո, երբ վրացին վերջին սեթում բարձրացրեց 169 կգ, Գևորգին անհրաժեշտ էր 7 կգ ավել բարձրացնել՝ երկամարտի արդյունքով հաղթելու համար:

Մրցավարների որոշման պատճառով Ղազարյանի ելույթը կասեցվել է, և նրան բաժին է հասել ծանրամարտի ԵԱ-ի արծաթե մեդալը: Այս քաշային կարգում առաջնության երրորդ տեղը զբաղեցրել է թուրք Էմրե Քարթալը՝ 304 կգ (138+166):