Ուրուգվայում բացված լուսանկարչական ցուցահանդեսում ներկայացվել են ԼՂ-ից բռնի տեղահանված ընտանիքների լուսանկարներ
28 Հունիսի 2024, 09:40
![](https://media.alphanews.am/wp-content/uploads/2024/06/25201746/l9Naf6xCyrkgLFFl1sMdX29v8r0AuV1dkGD0wVrM.jpg)
Փախստականների համաշխարհային օրվա կապակցությամբ Մոնտեվիդեոյի Կառասկո միջազգային օդանավակայանում բացվել է «Հույս՝ օջախից հեռու» լուսանկարչական ցուցահանդեսը, որի շրջանակներում ցուցադրվել են նաև Լեռնային Ղարաբաղից բռնի տեղահանված ընտանիքների լուսանկարներ: Այս մասին հայտնում են Ուրուգվայում ՀՀ դեսպանությունից։
Ընդգծելով, որ աշխարհը դժվարին ժամանակներ է ապրում, իսկ ապաստան տրամադրելու համակարգը վտանգված է՝ ՄԱԿ-ի Փախստականների հարցերով գերագույն հանձնակատարի հարավամերիկյան գրասենյակի ղեկավար Կարմեն Սախրը նշել է, որ աշխարհում կան 120 մլն. տեղահանվածներ և յուրաքանչյուր րոպե նրանց թիվն ավելանում է:
Բացման ելույթներից հետո միջոցառման մասնակիցները շրջայց են կատարել և դիտել ցուցադրված լուսանկարները:
![](https://armenpress.am/storage/images/articles/2024/06/25/6BSQkVlkoaTLA0O5nTnJc05ZiXtwg8nwjZDw70zU.webp)
![](https://armenpress.am/storage/images/articles/2024/06/25/mUKgnm5OFD0WHi9vElSdS7ynr8jqvK3XxD7yQFIV.webp)