Վրաստանի հայ մարզիկները՝ քիքբոքսինգի k1 միջազգային մրցաշարի հաղթողներ
11 Հուլիսի 2024, 11:49
Հայաստանի մայրաքաղաք Երևանի Դինամո մարզասրահում կայացել է քիքբոքսինգի k1 միջազգային մրցաշար, որին Ախալքալաքի Դադեշ գյուղի թիմից մասնակցել է 5 մարզիկ, որոնք վերադարձել են երեք հաղթական գոտիով։
Jnews.ge-ի փոխանցմամբ՝ մրցաշարին մասնակցել են ինչպես Վրաստանից, այնպես էլ Իրանից, Հայաստանից, Ռուսաստանից և Լատվիայից։
Մարզիկներից չորսը մենամարտել են պրոֆեսիոնալ գոտու համար, մեկը՝ սիրողական։ Մեկ մենամարտ մնացել է անավարտ՝ Ռոբերտ Ափոյանինը, նա ունեցել է քթից արյունահոսություն և բժիշկն արգելել է մենամարտը շարունակել։
Սիրողական մենամարտում Կարապետ Դալողլանյանը գրավել է 2-րդ հորիզոնական։ Գոտի են նվաճել Ալբերտ Հարությունյանը՝ տեխնիկական նոկաուտով, Զոհրաբ Հարությունյանը և Անդրանիկ Թումասյանը։
Հիմա եթերում
