Վերսկսվում են Օրենբուրգ-Երևան ուղիղ չվերթները

«Շիրակ Ավիա»-ն հուլիսի 16-ից կվերսկսի Օրենբուրգ-Երևան ուղիղ չվերթները։ Այս մասին հայտնում է Օրենբուրգի օդանավակայանի մամուլի ծառայությունը։

Դեպի Հայաստան չվերթները կիրականացվեն երեքշաբթի օրերին։ Երևանից մեկնումը նախատեսված է 09:35-ին, իսկ ժամանումը Օրենբուրգ՝ 13:25-ին։ Մեկնումը Օրենբուրգից՝ 14:50, ժամանումը Երևան՝ 17:30: Ժամանակը տեղական է յուրաքանչյուր քաղաքի համար: Թռիչքի տևողությունը մոտ երեք ժամ է։