ԿԽՄԿ-ն արձագանքել է Բաքվում պահվող Արցախի նախկին ղեկավարության առողջական վիճակի մասին լուրերին
08 Օգոստոսի 2024, 12:40
ԿԽՄԿ-ն արձագանքել է Բաքվում պահվող Արցախի ռազմաքաղաքական ղեկավարության առողջական վիճակի վատթարացման մասին մամուլում հրապարակված տեղեկատվությանը։
«Բաքվում պահվող հայերի տեսակցության բովանդակության հետ կապված որևէ բան ԿԽՄԿ-ն հանրային հարթակում մեկնաբանել չի կարող։ Մեր պատվիրակների տեսակցությունների շրջանակում յուրաքանչյուր անձի հնարավորություն է տրվում կապ հաստատել իրենց հարազատների հետ»,- ArmeniaSputnik-ին ասել է ՀՀ–ում Կարմիր խաչի միջազգային կոմիտեի պատվիրակության հաղորդակցման ծրագրերի ղեկավար Զառա Ամատունին:
Ըստ ընթացակարգի` անհանգստացնող ընթացիկ կամ ընդհանուր հարցերը, որոնք վերաբերում են բարձրացված խնդիրներին, քննարկվում են միայն իշխանությունների հետ, ինչպես նաև նրանց ընտանիքի անդամների հետ։
Հիմա եթերում
