Հայաստանի դեսպանը հույս ունի, որ այս տարի կօծվի Բելառուսի առաջին հայկական եկեղեցին
11 Հունիսի 2023, 22:02
Մինսկում, որտեղ ապրում է շուրջ 30 հազար հայ, ավարտին է մոտենում հայկական եկեղեցու շինարարությունը։
Գրիգոր Լուսավորչի տաճարը կլինի Բելառուսի առաջին հայկական եկեղեցին։ Այն կառուցված է Հայաստանից բերված վարդագույն տուֆից և կունենա 26 մետր բարձրություն։
«Հայ համայնքը անչափ երախտապարտ է Բելառուսի իշխանություններին մեր եկեղեցու կառուցումը թույլ տալու համար։ Մինսկի Ֆիլիմոնովի փողոցում արդեն կառուցվում է Հայ Առաքելական Սուրբ Գրիգոր Լուսավորիչ եկեղեցին։
Հուսով եմ, որ շինարարությունը կավարտվի այս տարի և մենք կկարողանանք անցկացնել եկեղեցու բացման և օծման արարողությունը, սա կլինի պսակը՝ նվիրված Հայաստանի և Բելառուսի միջև դիվանագիտական հարաբերությունների հաստատման 30-ամյակին»,- ասել է Բելառուսում ՀՀ դեսպան Ռազմիկ Խումարյանը:
Հիմա եթերում
