Հայաստանի դեսպանը հրավիրվել է մասնակցելու Կուրսկի ճակատամարտում տարած հաղթանակի 80-ամյակի տոնակատարություններին
16 Հունիսի 2023, 13:20
Հայաստանի, Ադրբեջանի, Բելառուսի, Ղազախստանի, Ղրղզստանի, Տաջիկստանի և Ուզբեկստանի դեսպանները հրավիրվել են Կուրսկի մարզ՝ մասնակցելու օգոստոսին Կուրսկի ճակատամարտում հաղթանակի 80-ամյակի պատվին անցկացվող տոնական միջոցառումներին, ՏԱՍՍ-ը։ Այս մասին Սանկտ Պետերբուրգի միջազգային տնտեսական ֆորումի շրջանակում հրապարակմանը տված հարցազրույցում հայտնել է շրջանի նահանգապետ Ռոման Ստարովոյտը։
Նրա խոսքով՝ մինչև տարեդարձը նախատեսվում է անցկացնել ավելի քան 120 տարբեր միջոցառումներ։ Կենտրոնական իրադարձություններից մեկը կլինի Պոնիրովսկի թաղամասում Կուրսկի ճակատամարտի հուշահամալիրի առաջին փուլի բացումը, որտեղ 1943 թվականի հուլիսին տեղի ունեցան ծանր մարտեր երկաթուղային կայարանի համար։
Կուրսկի ճակատամարտին մասնակցել են հազարավոր հայ զինվորներ՝ բանակի հրամանատարներ, դիվիզիաների, բրիգադների, գնդերի, գումարտակների և այլ ստորաբաժանումների հրամանատարներ, հետևակայիններ, հրետանավորներ, տանկիստներ, օդաչուներ և այլն։
Նրանցից շատերն իրենց արիության և խիզախության համար արժանացել են պետական տարբեր պարգևների։ Կուրսկի ճակատամարտի պարգեւատրված մասնակիցներից են Հովհաննես Բաղրամյանը, Համազասպ Բաբաջանյանը, Սերգեյ Խուդյակովը (Արմենակ Խանֆերյանց) և այլք։
Հիմա եթերում
