«Ժինգյալով հացը» գլենդելյան «Zhengyalov Hatz» հացի փռի շնորհիվ է հայտնվել Michelin ուղեցույցում
14 Հուլիսի 2023, 11:52
Հայկական «ժինգյալով հացը» Գլենդելում գտնվող «Zhengyalov Hatz» հացի փռի շնորհիվ է հայտնվել Michelin ուղեցույցում։
«Քանի՞ տեսակի կանաչի եւ խոտաբույսեր կարող եք նշել: Այս նվազագույն զարդարված հայկական հացում երկու հմուտ խոհարարներ հունցում, փաթաթում եւ թխում են մեկ տասնյակից ավելի տեսակի խոտաբույսերով լցոնված տորտիլիաներ: Կարծես նրանք դա անում էին իրենց ողջ կյանքում՝ աշխատելով թրթնջուկի, սպանախի, կանաչ սոխի եւ ճակնդեղի տերեւների հետ՝ պատրաստելով խիտ, կանաչավուն միջուկ, որը միաժամանակ քաղցր է, թթու, կծու եւ թարմացնող:
Բավականին հեշտ է ուտել մեկը որպես միջուտեստ, իսկ մի քանիսը ճաշին։ Հարմար է, որ այստեղ պետք չէ գուշակել, թե ուրիշ ինչ պատվիրել։ Ճաշացանկում բացի օկրոշկայից (սամիթով եւ վարունգով կծու յոգուրտ) եւ փախլավայից (շերտավոր ֆիլո խմոր ու աղացած ընկույզ) այլ բան չկա», — «style.news.am»-ի փոխանցմամբ՝ նշում է Michelin Guide-ը:
Հիշեցնենք, որ աշխարհի լավագույն հացերի թոփ տասնյակում լավաշից բացի, հայտնվել են նաեւ հայկական մատնաքաշն ու արցախյան «ժենգյալով հացը»։
Ըստ Taste Atlas-ի՝ 62-րդ տեղում հայկական մատնաքաշն է, իսկ 67-րդ տեղում ՝ արցախյան «ժենգյալով հացը»։
Հիմա եթերում
