Օմսկից բժիշկ-վիրաբույժ Արթուր Մարիկյանն անցել է «Լավագույն բժիշկ» համառուսաստանյան մրցույթի եզրափակիչ

Ռուսաստանի բժշկա-կենսաբանական դաշնային գործակալության (FMBA) մրցութային հանձնաժողովն ամփոփել է բժիշկների համառուսաստանյան մրցույթի երկրորդ փուլի արդյունքները և 2025 թվականի «Միջնակարգ բժշկական և դեղագործական կրթությամբ լավագույն մասնագետ» մրցույթը։

Գործակալության սիբիրյան բժշկական կենտրոնի պորտալային հիպերտենզիայի բաժանմունքի բժիշկ-վիրաբույժ Արթուր Մարիկյանը դուրս է եկել «Լավագույն վիրաբույժ» անվանակարգում բժիշկների մրցույթի եզրափակիչ:

Մարիկյանը 2014 թվականից աշխատում է FMBA-ի Արևմտյան Սիբիրյան բժշկական կենտրոնի պորտալային հիպերտենզիայի բաժանմունքում՝ որպես բժիշկ-վիրաբույժ: Գերազանց տիրապետում է վիրահատական տեխնիկային, վարպետորեն կատարում է վիրահատական միջամտությունների մեծ մասը լյարդի, լեղուղիների, ենթաստամոքսային գեղձի և այլ վիրաբուժական պաթոլոգիաների ժամանակ: Գործընկերների հետ համատեղ հաջողությամբ ներդրել է նոր մեթոդներ հետազոտման և բուժման մեջ: 2022-2024 թթ․ բազմիցս մասնակցել է գործակալության համահավաք բժշկական բրիգադների աշխատանքներին՝ փրկելով զինվորների և խաղաղ բնակիչների կյանքը։