Քեն Դավիթյան․ Հայկական արմատներով խարիզմատիկ դերասանը  

Alpha News-ը շարունակում է ներկայացնել «Ալֆա պերսոնա» շարքը:

Հունիսի 9-ը հոլիվուդյան հայտնի դերասան Քեն Դավիթյանի ծննդյան օրն է։ 

Նա ծնվել է Լոս Անջելեսում հայկական ընտանիքում։ Նրա մայրական կողմի տատիկն ու պապիկը վերապրել են Հայոց ցեղասպանությունը:  

Ընտանիքին օգնելու համար Դավիթյանը պատանեկության տարիներին աշխատել է հոր աղբահանության ընկերությունում։ 

Նա ավարտել է Արևելյան Լոս Անջելեսի Գարֆիլդի միջնակարգ դպրոցը, իսկ ավելի ուշ՝ Ուիթիերի քոլեջը։ Դեռ պատանեկության տարիներին Դավիթյանն ուներ կուռք ՝ դերասան Բերտ Ռեյնոլդսը, ով մեծ ազդեցություն է ունեցել Քենի մասնագիտության ընտրության վրա։ Հենց Ռեյնոլդսն է Քեն Դավիթյանին ոգեշնչել մտնել կինոյի աշխարհ։ Ի դեպ, նա զգալի բարձունքների հասել այդ ոլորտում ։   

Դերասանական կարիերային զուգահեռ Քեն Դավիթյանը 2003 թվականին Լոս Անջելեսում հիմնել է «The Dip» ռեստորանը։   

Քեն Դավիթյանն ազատ խոսում է հայերեն և հարգում է իր պատմական հայրենիքի ավանդույթները։

Նա վարժ խոսում է հայերեն և հարգում իր պատմական հայրենիքի ավանդույթները։