Ռոբերտ Քոչարյանի ընտանիքի նկատմամբ քաղաքական հետապնդում է իրականացվում․ Տիգրան Աբրահամյան

ՀՀ երկրորդ նախագահ Ռոբերտ Քոչարյանի ընտանիքի, ինչպես նաև նրա հետ փոխկապակցված բիզնեսների ղեկավարների տներում իրականացված խուզարկություններն ու գործողությունները քաղաքական հետապնդման ակնհայտ դրսևորում են։ Այս մասին լրագրողների հետ զրույցում հայտարարել է «Ուժեղ Հայաստան» խմբակցության քարտուղար Տիգրան Աբրահամյանը։

«Անկասկած, քաղաքական հետապնդման հետ գործ ունենք։ Երեկ տեղի ունեցած միջադեպից հետո հաջորդ իսկ առավոտյան նման գործողությունների դիմելը բացահայտ ցույց է տալիս իրական պատկերը։

Իշխանությունները, երբ հանդիպում են համապատասխան քաղաքական հակազդեցության, անմիջապես դիմում են իրենց ենթակայության տակ գտնվող իրավապահ համակարգի օգնությանը»,- նշել է նա։