Ռուսաստանի կառավարությունը թարմացրել է միգրանտների համար քննություն հանձնելու կանոնները
03 Հունիսի 2025, 15:05
Ռուսաստանի կառավարությունը հաստատել է ՌԴ-ի կրթության և գիտության նախարարության կողմից մշակված ռուսաց լեզվի՝ որպես օտար լեզու, ՌԴ-ի պատմության և օտարերկրացիների համար ՌԴ-ի օրենսդրության հիմունքների վերաբերյալ կանոնակարգի փոփոխությունները:
Փոփոխություններով նախատեսվում է ռուսերենի՝ որպես օտար լեզվի, Ռուսաստանի պատմության և ՌԴ օրենսդրության հիմունքների քննական տարբերակների ամենամսյա թարմացում: Այս փոփոխությունները կօգնեն ուժեղացնել վերահսկողությունը քննության ընթացակարգի որակի և ամբողջականության նկատմամբ:
Այսօր օտարերկրյա քաղաքացիները, որոնք նախատեսում են աշխատանքային գործունեություն իրականացնել ՌԴ-ում, պարտավոր են հաստատել ռուսաց լեզվի, Ռուսաստանի պատմության իմացությունը և օրենսդրության հիմունքները: Համապատասխան քննությունը կարող են հանձնել երկրի բոլոր մարզերում՝ 92 լիազորված պետական հաստատություններից մեկում, որոնց ցանկը հաստատում է Ռուսաստանի կառավարությունը
ՌԴ գիտության և բարձրագույն կրթության նախարար Վալերի Ֆալկովի անունից ԿԳՆ-ն համակարգված աշխատանքներ է իրականացնում ռուսերենը որպես օտար լեզու քննության որակի, ՌԴ-ի պատմության և օրենսդրության հիմունքների նկատմամբ վերահսկողության ուժեղացման ուղղությամբ:
Հիմա եթերում
