Սամվել Գասպարով․ Առաջին անգամ Ջեքսոնին Մոսկվա է բերել հենց նա

Alpha News-ը շարունակում է ներկայացնել «Ալֆա պերսոնա» շարքը:

Սամվել Գասպարովը ծնվել է 1938 թվականին Թբիլիսիում՝ հայ ընտանիքում։ Քանի որ նրա ընտանիքը հարուստ չէր, նա վաղ սկսեց աշխատել։ Սակայն նրա հոգին միշտ ձգում էր դեպի արվեստն ու կինոն։

Մոսկվայի Գերասիմովի անվան կինեմատոգրաֆիայի համառուսական պետական ինստիտուտում ստանալով ռեժիսորական բարձրագույն կրթության դիպլոմ՝ Գասպարովը սկզբում սկսել է աշխատել որպես ռեժիսոր Թենգիզ Աբուլաձեի օգնական, որի հետ նկարահանել է «Վզնոց իմ սիրելիի համար» ֆիլմը։ Արդեն նկարահանման հրապարակում աշխատելու փորձ ունենալով՝ երիտասարդ կինոգործիչն ինքն էլ նստեց ռեժիսորի աթոռին։

1974 թվականին տեղի ունեցավ նրա ռեժիսորական դեբյուտը։ Նա ֆիլմ է նկարահանել բեռնատարի վարորդի մասին․ այն կոչվում էր «Առաջին թռիչք, վերջին թռիչք»: Գասպարովը կուլտային ռեժիսոր էր, երբեմն անհասկանալի խորհրդային ժամանակների հանդիսատեսի համար։

Գասպարովը սիրահարվում և ամուսնանում է գեղեցկուհի դերասանուհի Նատալյա Վավիլովայի հետ, որը հայտնի է «Մոսկվան արցունքներին չի հավատում» ֆիլմից։ Ընտանիքը ընկերասեր էր, Գասպարովը շատ էր սիրում կնոջը, իսկ նա էլ իր հերթին սովորել է կովկասյան ուտեստներ պատրաստել։

Նկարահանման հրապարակում տեղի ունեցած դժբախտ պատահարից հետո Վավիլովան հեռանում է կինոյից, իսկ Սամվել Գասպարովը կնոջն օգնելու համար նույնպես թողնում է իր գործունեությունը և սկսում բիզնեսով զբաղվել։

Ի դեպ, հենց Սամվել Գասպարովն է առաջինը Մայքլ Ջեքսոնին Մոսկվա բերել Խորհրդային Միության փլուզումից հետո։ Սամվել Վլադիմիրովիչը նախկինում տեսել էր Ջեքսոնի ելույթը Բուխարեստում և ցնցված էր։

Գասպարովը մահացել է 2020 թվականի մայիսի 26-ին կորոնավիրուսի պատճառով։ Թաղված է Մոսկվայի Խովանսկի գերեզմանատանը։