Տրնդեզի տոնի առթիվ Յալթայում համերգ է տեղի ունեցել
18 Փետրվարի 2025, 19:40
Փետրվարի 14-ին Յալթայի Ա.Պ. Չեխովի անվան թատրոնում Տրնդեզի տոնակատարությանը նվիրված համերգ է տեղի ունեցել:
Հանդիպումը սկսվել է օրհնությամբ և աղոթքով: Այն անցկացրել է Ղրիմի Հանրապետությունում Հայ Առաքելական Ուղղափառ եկեղեցու Ռուսաստանի և Նոր Նախիջևանի թեմի առաջնորդ, վարդապետ Տարոն Ղուլիկյանը: Յալթայի հայ համայնքի ղեկավար Արամ Սարգսյանը պատմել է 1989 թվականին տեղի բնակիչների նախաձեռնությամբ հիմնադրված համայնքի կայացման և ակտիվ գործունեության պատմությունը:
Տոնական միջոցառմանը մասնակցել են պատվավոր հյուրեր՝ պատգամավորներ, կազմակերպությունների ղեկավարներ և հայ համայնքի ներկայացուցիչներ: Ղրիմի հայկական համայնքի ղեկավար Գեորգի Հակոբյանը համայնքի ամենաակտիվ անդամներին հանձնել է շնորհակալագրեր, մրցանակներ, ինչպես նաև պարգևատրել է Այվազովսկու անվան մեդալով:
Բեմում ելույթ է ունեցել «Միասնություն» ժողովրդական պարի համույթը: Թատրոնի նախասրահում բացվել է Յալթայի նկարիչներ Ստեփան Հարությունյանի և Պավել Շումովի նկարների ցուցահանդեսը։
Հիմա եթերում
