Սմբատ Շահազիզ․ նա սիրում էր հայրենիքը և պատիվը

Alpha News-ը շարունակում է ներկայացնել «Ալֆա պերսոնա» շարքը:

Սեպտեմբերի 17-ն անվանի բանաստեղծ, գրող, հրապարակախոս և մանկավարժ Սմբատ Շահազիզի ծննդյան օրն է:

Սմբատ Շահազիզը ծնվել է 1840 թվականին Երևանի նահանգի Աշտարակ քաղաքում՝ հոգևորականի ընտանիքում: Մինչև 10 տարեկանը սովորել է տանը, իսկ 1851 թվականին հայրը ուղարկում է նրան Մոսկվա՝ Լազարյան ճեմարանում սովորելու։ Ավարտելուց հետո Շահազիզին առաջարկել են նույն հաստատությունում դասավանդել ժամանակակից և դասական հայերեն։

Ավելի ուշ Շահազիզը Սանկտ Պետերբուրգի համալսարանում ստացել է «արևելյան լեզուների թեկնածուի» գիտական աստիճան, իսկ դրանից հետո 35 տարի շարունակել է աշխատել որպես ուսուցիչ Լազարյան ճեմարանում:

Սմբատը սկսել է գրել դեռ ուսանողական տարիներին և կրել է հայ բանաստեղծներ Ռաֆայել Պատկանյանի և Խաչատուր Աբովյանի ազդեցությունը, ինչպես նաև եղել է հայ բայրոնիզմի խոշորագույն ներկայացուցիչը:

1893-ին հիմնել է կարիքավոր գրողների «Աբով-Նազար» հիմնադրամը։ 1898-ին թոշակի անցնելուց հետո Մոսկվայում ստեղծել է կոմիտե՝ 1894-1896 թվականներին հայերի կոտորածների պատճառով որբացած երեխաների խնամքն ու կրթությունը կազմակերպելու համար։

Սմբատ Շահազիզը կյանքից հեռացել է 1908 թվականի հունվարի 5-ին Մոսկվայում և թաղվել Վագանկովյան գերեզմանատանը։

Շահազիզի 150-ամյակի առթիվ ԽՍՀՄ-ում թողարկվել է փոստային ծրար, իսկ Աշտարակ քաղաքում 2014 թվականին հիմնադրված դպրոցը կրում է գրողի անունը: