Գուրգեն Սողոմոնովը՝ ՌԴ մշակույթի նախարարության մրցանակի դափնեկիր

Մոսկվայում հայտարարել են մանկական արվեստի դպրոցների, քոլեջների և բուհերի լավագույն մանկավարժների անունները: ՌԴ մշակույթի նախարարության մրցանակները սահմանվել են Ռուսաստանի նախագահի հրամանով։

Այս տարի մրցույթին ներկայացվել է 554 մանկավարժի անուն, հաղթող են դարձել 150-ը հանրապետության 49 մարզերից։ 150 մրցանակակիրների թվում է նաև Կուբանի մշակույթի վաստակավոր գործիչ Գուրգեն Սողոմոնովը:

Սողոմոնովը ակտիվ համերգային գործունեություն է ծավալում։ Նրա սաներից շատերը ընտրել են պրոֆեսիոնալ երաժշտության ճանապարհը։ Կատարելով նվագախմբի ղեկավարի պարտականությունները՝ Նա կարողանում է կարճ ժամանակում պատրաստել և լավ արդյունքներ ցույց տալ բազմաթիվ շոուների՝ մրցույթների և համերգների ժամանակ։ Նրա ուսանողներն ու ստեղծագործական խմբերն ակտիվ մասնակցություն են ունենում քաղաքի ու մարզի համերգային կյանքին։

Իր բեղմնավոր աշխատանքի համար Սողոմոնովը բազմիցս արժանացել է տարբեր մրցանակների, մասնավորապես՝ դարձել է Կրասնոդարի ղեկավարի մրցանակի դափնեկիր և պարգևատրվել «Կրասնոդարի մարզի զարգացման գործում ակնառու ավանդի համար» III աստիճանի մեդալով։