Նելլի Մկրտումյանը՝ «Ռուսաստանի Ոսկե գրիչ 2024» ազգային գրական մրցանակի դափնեկիր
20 Հոկտեմբերի 2024, 15:05
Հայ բանաստեղծուհի Նելլի Մկրտումյանը դարձել է «Ռուսաստանի Ոսկե գրիչ ազգային գրական մրցանակ-2024» միջազգային մրցույթի դափնեկիր:
Նա մրցույթին ներկայացրել է «Վեց օր 43-ի փետրվարին» էսսեն լեգենդար կոմբատ, փոխգնդապետ, Խորհրդային Միության հերոս Ղուկաս Մադոյանի և նրա հերոսական գումարտակի սխրանքի մասին՝ Դոնի Ռոստովը ֆաշիստներից ազատագրելիս:
Այս տարի մրցույթին ներկայացվել է 35 000 ստեղծագործություն աշխարհի 57 երկրից, որոնցից ժյուրին նշել է շուրջ 360 աշխատանք:
159-րդ հրաձգային բրիգադի գումարտակը՝ ավագ լեյտենանտ Ղուկաս Մադոյանի հրամանատարությամբ, 1943 թվականի փետրվարի 8-ի գիշերը գրավեց երկաթուղային հանգույցը՝ Դոնի Ռոստով կայարանի մի մասը, իսկ առավոտյան գլխավորեց բրիգադի համախմբված ջոկատը, որի հետ 1943 թվականի փետրվարի 8-ից 14-ը պաշտպանեց Ռոստովի կայարանը։ Հերոսական պաշտպանության 6 օրվա ընթացքում Մադոյանի ջոկատը հետ է մղել թշնամու 43 հարձակում, սակայն կայարանը պահել է մինչև ուժեղացման մոտեցումը։
Հիմա եթերում
