Դուդուկին նվիրված համերգ՝ Փասադենայում

Նոյեմբերի 13-ին Փասադենայում կկայանա հայկական ծիրանափողին՝ դուդուկին նվիրված համերգ։ Համերգը բացառիկ է նրանով, որ հայկական նվագարանը կներկայացվի նորովի․ ժողովրդական սիրելի մեղեդիների հետ մեկտեղ դուդուկը կհնչի երաժշտական տարբեր ժանրերում՝ ջազային, դասական և ժամանակակից։

Համերգին կմասնակցեն ժողովրդական և դասական լավագույն երգիչներ՝ Էդգար Խաչատրյանը, Արաքսյա Ամիրխանյանը, Արմեն Դավթյանը և «Հայկյան» կամերային նվագախումբը։ Մեկ բեմում հանդես կգան դուդուկահարների տարբեր սերունդներ, այդ թվում՝ պատանի դուդուկահարներ։
Համերգի նպատակն է ներկայացնել հայկական մշակույթը, նաև ապահովել հայկական ազգային նվագարանի հանդեպ երիտասարդների հետաքրքրությունը։
Միջոցառման ընթացքում տեսանյութերի միջոցով կներկայացվի դուդուկի պատմությունը։

Համերգի նախաձեռնողն է դուդուկահար Էմմանուել Հովհաննիսյանն իր «Dudukman Production»-ով՝ համագործակցությամբ «Armenian Kids Festival»-ի։

Համերգը կկայանա AGBU Vatche & Tamar Manoukian Performing Arts Center-ում՝ 2495 E Mountain St., Pasadena, CA 91104։

Տոմսեր կարող եք ձեռք բերել՝ https://agbupac.ticketspice.com/duduk