Պուտինը ՀԱՊԿ երկրների ղեկավարներին հրավիրել է մասնակցելու Հաղթանակի 80-ամյակին նվիրված տոնակատարություններին
28 Նոյեմբերի 2024, 14:57
ՌԴ նախագահ Վլադիմիր Պուտինը ՀԱՊԿ երկրների ղեկավարներին և այդ պետությունների ռազմական անձնակազմին հրավիրել է Մոսկվա՝ Հայրենական մեծ պատերազմի հաղթանակի 80-ամյակին նվիրված հանդիսավոր միջոցառումներին մասնակցելու համար։
«Հուսով եմ, որ հնարավորություն կգտնեք գալու Մոսկվա այդ հանդիսավոր միջոցառումներին մասնակցելու։ Բացի այդ, մենք հրավիրում ենք ՀԱՊԿ երկրների զինվորական անձնակազմերին՝ ռուսների հետ միասին, մասնակցելու Կարմիր հրապարակում անցկացվող շքերթին։
Շատ կարևոր է, որ մենք հիշենք Հայրենական մեծ պատերազմում խորհրդային ժողովրդի հաղթանակը և այս հաղթանակի 80-ամյակը»,- ասել է Պուտինը ՀԱՊԿ գագաթնաժողովի ժամանակ` հավելելով, որ «բարձրագույն պետական մակարդակով» տոնակատարություններ կանցկացվեն ՀԱՊԿ անդամ բոլոր երկրներում։
Հիմա եթերում
