Սիլվա Կապուտիկյանին նվիրված գրական երեկո՝ Մոսկվայում

Դեկտեմբերի 12-ին Մոսկվայի Ռուսաստանի հայերի միությունում տեղի կունենա գրական երեկո՝ նվիրված 20-րդ դարի հայ անվանի բանաստեղծուհի, գրող և հրապարակախոս Սիլվա Կապուտիկյանին:

Միջոցառման ընթացքում կհնչեն բանաստեղծուհու հայտնի ստեղծագործությունները, մասնակիցները կպատմեն նրա կյանքի և ստեղծագործական ուղու մասին:

Սիլվա Կապուտիկյանը եղել է Ղարաբաղյան շարժման առաջնորդներից, բազմաթիվ հայտնի հայ գործիչների հետ մասնակցել է հացադուլների և բողոքի այլ ակցիաների: Հրապարակախոս Զորի Բալայանի հետ 1988թ-ի փետրվարի 26-ին հանդիպել է Միխայիլ Գորբաչովի հետ՝ հույս ունենալով ազդել ղարաբաղյան հարցի լուծման վրա: