2025 թվականը մեկնարկում ենք առանց արտաքին շարժիչ ազդեցությունների
08 Հունվարի 2025, 19:17
Նախորդ տարվա նոյեմբերի մակրոտնտեսական ցուցանիշների վերլուծությունը ցույց է տալիս տնտեսական ակտիվության աճի շարունակական նվազում, ինչը գրեթե ամբողջ տարի նույն տրամաբանության ներքո էր: Միաժամանակ, գրանցված աճը ապահովել են մի քանի հիմնական ուղղություններ՝ առևտուրը, արտաքին առևտրաշրջանառությունը, որոշ տատանումներով՝ շինարարությունը, ծառայությունների և արդյունաբերության ոլորտները:
Հիմնականում նպաստող հանգամանք են եղել արտաքին գոծոնները, որոնց նվազումը կամ լիակատար չեղարկումն արտացոլվել է նոյեմբերի ցուցանիշներում:
Ըստ այդմ՝ 2024թ. նոյեմբերին կուտակային ՏԱՑ-ի աճը 7.4 % է, տասներկուամսյա աճը՝ 1,2 %:
Իհարկե, դեռ չկան դեկտեմբերի տվյալները, սակայն ՏԱՑ-ի՝ ողջ տարվա ու հատկապես տարեվերջյան միտումները վկայում են, որ դեկտեմբերին ևս բովանդակային էական փոփոխություններ չեն լինի, թերևս միայն ծառայությունների ու առևտրի ոլորտներում՝ պայմանավորված սեզոնայնությամբ:
Այսպիսով, 2024թ-ը բնորոշվեց տնտեսական ակտիվության կայուն կրճատմամբ՝ պայմանավորված արտաքին գործոնների թուլացմամբ: Դա վերաբերում է թե՛ 12-ամսյա, թե՛ կուտակային աճերին:
Փաստացի, 2025 թվականը մեկնարկում ենք առանց կամ գրեթե առանց արտաքին ազդեցությունների, ինչով էլ պայմանավորված են բյուջեն լցնելուն ուղղված իշխանությունների իրար հաջորդող գործողությունները:
Հիմա եթերում
