Սոչիում կայացած համերգի շրջանակներում հնչել է հայկական երաժշտություն
21 Մայիսի 2025, 17:23
Մայիսի 18-ին Սոչիի Ալիսա Դեբոլսկայայի երգեհոնային և կամերային երաժշտության դահլիճում տեղի է ունեցել «Երկու մշակույթների խաչմերուկում» համերգը: Այս մասին հայտնում է Սոչիի համերգային և ֆիլհարմոնիկ միավորման կայքը։
Երեկոն իսկական երաժշտական ճամփորդություն էր, որը միավորում էր երկու յուրահատուկ ավանդույթներ՝ եվրոպական և հայկական: Դահլիճը լեփ-լեցուն էր հայկական դուդուկի հնչյուններով, որոնք երգեհոնի հզոր հնչողության հետ ներդաշնակորեն ստեղծել էին անկրկնելի մթնոլորտ: Բեմում ելույթ են ունեցել Ռաֆայել Մկրտչյանը (դուդուկ) և Վլադիմիր Կորոլյովը (երգեհոն): Ունկնդիրները խորասուզվել են հին հայկական մեղեդիների և եվրոպական դասական երաժշտության աշխարհում:
Ծրագրում հնչել են Յոհան Սեբաստիան Բախի, Ֆրանց Շուբերտի և Լեոն Բոելմանի գլուխգործոցները, ինչպես նաև հայկական ժողովրդական երգեր՝ մեծանուն կոմպոզիտոր Կոմիտասի մշակմամբ: Երեկոն վառ օրինակ էր այն բանի, թե ինչպես տարբեր մշակույթներ կարող են ներդաշնակորեն գոյակցել և հարստացնել միմյանց:
Հիմա եթերում
