Հայ շախմատիստները հաջողություններ են գրանցել Բաթումիում անցկացվող միջազգային մրցաշարում

Հուլիսի 2-ից 10-ը Վրաստանի Բաթումի քաղաքում անցկացվում է «Batumi Municipality Cup-2023» շախմատի միջազգային մրցաշարը:

Հայաստանի շախմատի ֆեդերացիայից հայտնում են, որ 4 խաղափուլից հետո «A» խմբում միանձնյա առաջատարն է Էրիկ Հակոբյանը, ով վաստակել է 3.5 միավոր։ Նա ոչ-ոքի արդյունքով ավարտել է իր խաղը մրցաշարի ամենաբարձր վարկանիշ ունեցող միջազգային գրոսմայստեր Գիգա Կուպարաձեի հետ:

«A» խմբում առաջատարների շարքում են նաև 3 միավոր վաստակած Սարգիս Մանուկյանը և Հայկ Երիցյանը։

«B» խմբում առաջատարների շարքում է Էդգար Հայրապետյանը, ով վաստակել է 3.5 միավոր:

«C» խմբում առաջատարների շարքում է 10-ամյա Գոռ Դաբաղյանը, ով վաստակել է 3.5 միավոր:

Մինչև 12 տարեկան պատանիների մրցաշարում նույնպես ունենք առաջատար. Մարկ Գևորգյանն է, ով հաղթել է բոլոր 4 խաղերում:

Հայաստանից մրցաշարին մասնակցում են 43 շախմատիստ: