Ռուսաստանը գրեթե վերադարձրել է Վրաստանը, իսկ Հայաստանի հետ խնդիրներ կան. ԱՄՆ ռազմական հետախուզություն
27 Մայիսի 2025, 20:43
ԱՄՆ պաշտպանության հետախուզական գործակալությունը մտահոգություն է հայտնել վերջին տարիներին Հարավային Կովկասի տարածաշրջանում Ռուսաստանի ազդեցության աճի կապակցությամբ։ Գլոբալ սպառնալիքների վերաբերյալ գործակալության վերջին զեկույցը ցույց է տալիս, որ Ռուսաստանին գրեթե հաջողվել է վերադարձնել Վրաստանին իր ազդեցության գոտի:
Գործակալությունը նշում է, որ կառավարությունը՝ «Վրացական երազանք» կուսակցության գլխավորությամբ, ստեղծել է պայմաններ, որոնք թույլ են տալիս Ռուսաստանին ուժեղացնել իր ազդեցությունը երկրում, հատկապես անցյալ տարվա հոկտեմբերին կայացած խորհրդարանական ընտրություններից հետո։
Ըստ հաղորդագրության՝ Ռուսաստանի և Հայաստանի հարաբերություններն անցյալ տարի մնացել են լարված և Հայաստանը զգուշացրել է Հավաքական անվտանգության պայմանագրի կազմակերպությունից (ՀԱՊԿ) հնարավոր դուրս գալու մասին:
Փաստաթղթում նաև ասվում է, որ Ռուսաստանը տեղեկատվական գործողություններ է իրականացրել՝ վարկաբեկելու հայկական ժողովրդավարությունը և նրա առավել արևմտամետ ղեկավարությունը:
Հիմա եթերում
