Արտեմ Սիմոնյանը պայմանագիր է կնքել «Ռոտոր» ՖԱ-ի հետ

Վոլգոգրադի «Ռոտոր» ֆուտբոլային ակումբը պաշտոնապես հայտարարել է կիսապաշտպան Արտեմ Սիմոնյանի հետ պայմանագիր կնքելու մասին։ 30-ամյա խաղացողի հետ պայմանագիրը կնքվել է «1+1» բանաձևով մեկ մրցաշրջանով՝ ևս մեկ տարով երկարաձգելու հնարավորությամբ։

Սիմոնյանը, ով նախկինում հանդես է եկել Հայաստանի ազգային հավաքականում, վերջին երեք տարին անցկացրել է «ՍԿԱ-Խաբարովսկ»-ում, որտեղ դարձել է թիմի առաջատարներից մեկը։ Անցած մրցաշրջանում Առաջին լիգայում նա 31 խաղում դարձել է 5 գոլի և 5 գոլային արդյունավետ փոխանցումների հեղինակ։

Այժմ փորձառու կիսապաշտպանը կարիերան կշարունակի «Ռոտոր»-ում՝ գալիք մրցաշրջանում ուժեղացնելով վոլգոգրադյան ակումբը։