Հիմքեր են ստեղծում հաջորդիվ Վեհարան գնալու. փաստաբանն՝ այսօրվա ձերբակալությունների մասին

Մեկ ժամից ավելի է՝ փորձում եմ Քննչական կոմիտեի տարբեր մուտքերից մուտք գործել, բայց թույլ չեն տալիս ու որևէ հիմնավոր պատճառաբանություն չկա: Այս մասին Երևան քաղաքի քննչական վարչության շենքի մոտ լրագրողների հետ զրույցում ասել է փաստաբան Սերգեյ Հարությունյանը։

«Օրինական զենք են գտել, և պատրաստվում են հանրությանը ներկայացնել՝ չէր բացառվում և մեծ էր հավանականությունը, որ ձերբակալված անձինք կարող էին դրանով ահաբեկչական ինչ-որ գործողություններ անել: Փորձելու են մարդկանց նման կերպ շեղել ամոթալի փաստաթղթերից կամ խոստումներից, ինչպես նաև հիմքեր ստեղծելու հաջորդիվ Վեհարան գնալու»,- նշել է փաստաբանը:

Հարցին, թե ինչ ակնկալիքներ ունի Հարությունյանը ՄԻՊ-ից, նա նշել է. «Չունեմ սպասումներ՝ հատկապես հաշվի առնելով վերջին տարիների գործունեությունը: Գուցե լսենք հորդորներ կամ կոչեր, բայց դրանից ավելի ոչինչ չի լինի»: