Վերջնական խոսքը կմնա Իրանին․ Հայալ Մուազինը՝ «Թրամփի երթուղու» մասին

Իրանցի լրագրող Հայալ Մուազինը Alpha News-ի հետ զրույցում մեկնաբանել է Իրանի դիրքորոշումը «Թրամփի երթուղու» վերաբերյալ:

Փորձագետի կարծիքով՝ Թեհրանն այդ միջանցքը դիտարկում է ոչ թե որպես տարածաշրջանային, այլ որպես ռազմավարական գործոն, որն ուղղակիորեն կապված է ինքնիշխանության և անվտանգության հարցի հետ:

«Իրանի ներսում «Զանգեզուրի միջանցքի» հարցի վերաբերյալ տարբեր տեսակետները լիովին հասկանալի են։ Ցանկացած խոշոր ռազմավարական նախագծում, որը շոշափում է ազգային անվտանգության և արտաքին քաղաքականության հարցը, միշտ կան կողմնակիցներ և հակառակորդներ։ Սակայն հարկ է ընդգծել, որ ճնշող մեծամասնությունն Իրանի համար այդ երթուղին համարում է կենսական նշանակություն՝ նոր աշխարհակարգի ձևավորման պայմաններում, երբ առանցքային տարանցիկ միջանցքները որոշում են պետության դիրքերը: Նման մայրուղիների տիրապետումը կամ վերահսկողությունը կարող է երկիրը դասել նոր աշխարհակարգի առաջատար տերության շարքին», — ասել է Մուազինը։

Նրա խոսքով՝ ԱՄՆ-ի և նրա դաշնակիցների հեգեմոնիան իրագործելի չէ:

«Սիոնիստական և արևմտյան խաղացողները պետք է հասկանան, որ Թեհրանն այդ միջանցքը դիտարկում է ոչ թե որպես տարածաշրջանային, այլ որպես ռազմավարական գործոն, որն ուղղակիորեն կապված է ինքնիշխանության և անվտանգության հարցի հետ։ Իսկ նրանք, ովքեր Իրանում հավատում են այդ թեմայով Արևմուտքի հետ համագործակցության հնարավորությանը, շուտով կհամոզվեն, որ ԱՄՆ-ի և նրա դաշնակիցների հեգեմոնիան իրագործելի չէ։ Մենք դեռ իրադարձությունների սկզբում ենք, և վերջնական խոսքը կմնա Իրանին», — եզրափակել է Մուազինը։