Երևանում բացվեց Tashir Arena-ն

Երևանում կայացավ կրկեսի նոր համալիրի՝ Tashir Arena-ի հանդիսավոր բացումը։ Բացման խոսքի ժամանակ գործարար, բարերար Սամվել Կարապետյանի դուստրը՝ Տաթևիկ Կարապետյանը, հուզված դիմեց նրան հետևյալ խոսքերով՝ «Պապ ջան, մեզ մոտ ամեն ինչ ստացվեց»։

Կրկեսը կառուցվել է զրոյից՝ հին շենքի տեղում, և դրա բացումը կարևոր իրադարձություն է Հայաստանի մշակութային կյանքում։ Նոր համալիրը ոչ միայն կրկես է, այլև բազմաֆունկցիոնալ արենա, որը կարող է հյուրընկալել թատերական, երաժշտական, մարզական և գործարար միջոցառումներ։