Բենիկ Խլղաթյանն ու Էլմիրա Կարապետյանը՝ միջազգային մրցաշարի փոխչեմպիոններ

Լեհաստանի Բիալիստոկ քաղաքում ընթացող միջազգային մրցաշարում հայ հրաձիգները նվաճել են առաջին մեդալը։ Այս մասին հայտնել է Հայաստանի հրաձգության ֆեդերացիան:

Բենիկ Խլղաթյանն ու Էլմիրա Կարապետյանը 10 մետր օդամղիչ ատրճանակ միքս մրցաձևի որակավորման փուլում խոցել են 575 միավոր և առաջին հորիզոնականով անցել եզրափակիչ փուլ։

Եզրափակչում Խլղաթյան / Կարապետյան զույգը 11:17 հաշվով զիջել է Ուկրաինայի թիմին՝ դառնալով մրցաշարի փոխչեմպիոն։