Ռումինայում հայ պատանի շախմատիստները բրոնզե մեդալ են նվաճել

Հայ պատանիները բրոնզե մեդալ են նվաճել Ռումինիայում անցկացված Եվրոպայի պատանիների թիմային առաջնությունում։

Հայաստանի շախմատի ֆեդերացիան հայտնում է, որ թիմային հաշվարկում լավագույն եռյակը գլխավորում է Լեհաստանը, որին հաջորդում են Իսրայելն ու Հայաստանը։

Հիշեցնենք, որ Հայաստանի թիմը ներկայացնում էին Էմին Օհանյանը, Ռոբերտ Փիլիպոսյանը, Էրիկ Չաքրյանը, Արսեն Դավթյանը և Ալեքս Սահակյանը: Թիմի ավագն էր Վահագն Խաչատրյանը: