Էդուարդ Սպերցյանը կարող է տեղափոխվել «Մարսել»

«Կրասնոդարի» կիսապաշտպան հայազգի Էդուարդ Սպերցյանը մրցաշրջանի ավարտից հետո կարող է տեղափոխվել ֆրանսիական «Մարսել»։

Հայաստանի ազգային հավաքականի 25-ամյա ֆուտբոլիստը ընդգրկված է ֆրանսիական ակումբի շորթ-լիստում։

«Օլիմպիկը» պատրաստվում է կազմի լայնածավալ վերափոխման և ակտիվորեն աշխատում է մի շարք տրանսֆերային ուղղություններով՝ ավելի մրցունակ թիմ ձևավորելու նպատակով։

Անցած մրցաշրջանում Ֆրանսիայի Լիգա 1-ում «Մարսելը» զբաղեցրել է 5-րդ տեղը։

ՌՊԼ-ի ավարտված մրցաշրջանում Սպերցյանը 30 խաղում դարձել է 13 գոլի և 16 գոլային փոխանցման հեղինակ՝ գրանցելով լիգայի լավագույն ցուցանիշը։