ԵԱՏՄ-ն Հայաստանի համար ավելի լավ է, քան մյուս ինտեգրացիոն տարբերակները․ Պեսկով

ՌԴ նախագահի մամուլի քարտուղար Դմիտրի Պեսկովը լրագրողների հետ զրույցում հայտարարել է, որ Հայաստանի համար որպես ինտեգրացիոն ընտրություն Եվրասիական տնտեսական միությունը գերազանցում է մյուս հնարավոր տարբերակները։

«Մենք համոզված ենք, որ ԵԱՏՄ-ն ամեն տարի զգալիորեն նպաստում է Հայաստանի ՀՆԱ-ի աճին։ Եվ մենք համոզված ենք, որ իր բոլոր որակական հատկանիշներով մեր ինտեգրացիոն գործընթացը զգալիորեն գերազանցում է այլընտրանքները»,- նշել է Պեսկովը։

Նա հույս է հայտնել, որ Հայաստանի ժողովուրդն ու գործող իշխանությունները իրավիճակի վերլուծությունից հետո կկիսեն նույն տեսակետը։

«Մենք շահագրգռված ենք դրանում, մենք շարունակելու ենք մեր հարաբերությունները ՀՀ-ի հետ։ Մենք շատ ընդհանուր գործեր ունենք։ ՌԴ-ն հանդիսանում է Հայաստանում խոշոր ներդրող, ուստի հարաբերությունները շարունակվելու են զարգանալ»,– հավելել է նա։