Հրաշամանուկ Ալեք Վան Խաչադուրյանը ներկայացրել է նոր ալբոմը

ԱՄՆ-ում բնակվող վեցամյա հայազգի դաշնակահար-հրաշամանուկ Ալեք Վան Խաչադուրյանը թողարկել է իր նոր ալբոմը, որը կոչվում է «6»՝ ի պատիվ նրա տարիքի։

Օգոստոսի 21-ին կայացած թողարկումը ներառում է մեկ տարվա ընթացքում կատարված դասական հինգ ստեղծագործություն, ինչպես նաև երաժշտի առաջին հեղինակային գործը՝ «September Trees»-ը:

Ալեքն օժտված է բացարձակ լսողությամբ և սկսել է դաշնամուր նվագել դեռ մանկուց։ Հինգ տարեկանում նա ելույթ է ունեցել Նյու Յորքի Քարնեգի հոլի և Լոս Անջելեսի Ուոլթ Դիսնեյի համերգասրահի բեմերում՝ դառնալով դրանց պատմության մեջ ամենաերիտասարդ կատարողներից մեկը։

5-ամյա դաշնակահարն արդեն հաղթել է միջազգային մրցույթներում, իսկ նախորդ տարի թողարկել էր իր դեբյուտային «5» մինի ալբոմը։