Բացառիկ նվաճում՝ հայկական ուշուի պատմության ընթացքում

Հայաստանի ավանդական ուշուի ֆեդերացիայի մարզիկները մասնակցել են Չինաստանի Էմեյշան քաղաքում անցկացված ուշու-կունգֆուի աշխարհի առաջնությանը և 1 ոսկե, 2 արծաթե և 2 բրոնզե մեդալ են նվաճել:

Աշխարհի չեմպիոնի կոչմանն արժանացել է Արտաշես Ավագյանը՝ ոսկե մեդալ նվաճելով Հունգար ոճում:

Հատկանշական է, որ սա բացառիկ նվաճում է հայկական ուշուի պատմության մեջ՝ 22 տարվա ընթացքում:

Ավագյանը նաև արծաթե մեդալ է նվաճել: Հայաստանի մյուս ներկայացուցիչ Գևորգ Երիցյանը ուշու-կունգֆուի աշխարհի առաջնությունում 1 արծաթե և 1 բրոնզե մեդալ է նվաճել, իսկ Սիրանուշ Ավագյանը դարձել է բրոնզե մեդալակիր՝ կանգնելով պատվո հարթակի երրորդ աստիճանին: