ԱՄՆ-ում ինքնաթիռի վթարի հետևանքով զոհվել է մուլտիմիլիոնատիրոջ ընտանիքը

Ֆլորիդա նահանգի Պալմ Բիչ շրջանում բիզնես ինքնաթիռի վթարի հետևանքով զոհվել է մուլտիմիլիոնատիրոջ ընտանիքը, հաղորդում է New York Post (NYP)-ը։

Ըստ աղբյուրի՝ ինքնաթիռում, երկու օդաչուներից բացի, եղել են տեխնոլոգիական ընկերության ղեկավարը, նրա կինը, չորս և երկու տարեկան երեխաները, նրանց դայակը և ընտանիքի ընկերները։ Ինքնաթիռում եղել է ինը մարդ, որոնք բոլորը մահացել են։

Նոյեմբերի 1-ին Պալմ Բիչ շրջանում Գրինեյքրես քաղաքի մոտակայքում վթարի է ենթարկվել Learjet 60 բիզնես ինքնաթիռը։ Վթարի ժամանակ ինքնաթիռը բախվել է ծառի և վնասել էլեկտրահաղորդման գծերը։ Ինքնաթիռը վարում էին երկու օդաչու, որոնցից մեկը 20 տարեկան էր։

Ըստ New York Times-ի՝ կինը ստացել էր օդաչուի լիցենզիա մահից երեք տարի առաջ։ Վթարի պատճառը դեռևս պարզված չէ, բայց քննիչները պարզել են, որ ինքնաթիռը բախվել է ուժեղ տուրբուլենտության և սկսել է քայքայվել գետնին բախվելուց առաջ։