Հայաստանում վառելիքի գներն աճել են․ հոկտեմբեր ամսվա վիճակագրությունը

Հայաստանի սպառողական շուկայում հոկտեմբերին արձանագրվել է ավտոմոբիլային հիմնական վառելիքատեսակների և հեղուկ գազի գների բարձրացում։

ՀՀ վիճակագրական կոմիտեի տվյալներով՝ առավել զգալի թանկացել է բենզինը, որի գինը մեկ ամսում աճել է 5%-ով, իսկ դիզելային վառելիքը թանկացել է 4,7%-ով։ Հեղուկ ածխաջրածնային գազի (ավտոմեքենաներում օգտագործվող պրոպան-բութանային խառնուրդների) գներն ավելի փոքր աճ են գրանցել՝ կազմելով 0,8%։

Մասնագետների գնահատմամբ՝ այս փոփոխությունները պայմանավորված են արտաքին շուկաներում ձեռքբերման գների տատանումներով և նավթամթերքի ներմուծման լոգիստիկ ծախսերի փոփոխությամբ։