Չինաստանը 20 մլն դոլար կհատկացնի Ասիա-խաղաղօվկիանոսյան տարածաշրջանի համագործակցության ծրագրերին

19 Նոյեմբերի 2026, 15:33

Քաղաքականություն

Չինաստանը 20 միլիոն ԱՄՆ դոլար կհատկացնի Ասիա-խաղաղօվկիանոսյան տնտեսական համագործակցության (ԱԽՏՀ) շրջանակում իրականացվող գործնական համագործակցության ծրագրերին աջակցելու նպատակով։ Այս մասին հայտարարել է Չինաստանի նախագահ Սի Ծինփինն՝ Ասիական-խաղաղօվկիանոսյան տնտեսական համագործակցության տնտեսական առաջնորդների 33-րդ ոչ պաշտոնական հանդիպման ժամանակ։

Նրա խոսքով՝ անհրաժեշտ է լրացուցիչ ջանքեր գործադրել՝ համերաշխության, փոխօգնության, բաց ինտեգրման և նորարարության վրա հիմնված միասնական տարածաշրջանային հանրություն ձևավորելու համար։

Սի Ծինփինը տարածաշրջանի երկրներին կոչ է արել խթանել ազատ և բաց առևտուրն ու ներդրումները, վերացնել տնտեսական շրջանառությանը խոչընդոտող սահմանափակումները և ընդլայնել համագործակցությունը գիտատեխնիկական ոլորտում։

Չինաստանի նախագահը կարևորել է նաև նորարարական ձեռքբերումների ներդրումն ու համագործակցության համար բաց, արդար և խտրականությունից զերծ միջավայրի ձևավորումը։