Վանաձորում բեռնատարը բախվել է 15-ից ավելի ավտոմեքենայի․ 5 վիրավորներից 2-ն անչափահաս են

21 Նոյեմբերի 2026, 12:30

Հասարակություն

Նոյեմբերի 20-ին, խոշոր ու շղթայական ավտովթար է տեղի ունեցել Լոռու մարզում։ Ժամը 16:30-ի սահմաններում Վանաձոր քաղաքում՝ ժողովրդին հայտնի Վանաձորի «Կլոր ունիվերմագի» հարևանությամբ, արտասահմանյան համարանիշի և դեռևս չճշտված մակնիշի բեռնատարը բախվել է մի քանի երթևեկող և կայանված տարբեր մակնիշի ավտոմեքենաների, ապա առևտրի կրպակների ու ծառերի։

Shamshyan.com-ի հաղորդմամբ՝ 5 հոգի տեղափոխվել է հիվանդանոց։

Երթևեկությունը նշված հատվածում ժամանակավորապես դադարեցվել է։

Ֆոտոլրագրողի տեղեկություններով՝ վիրավորներից 2-ը երեխա են, 3-ը՝ միջին տարիքի։