Արտյոմ Քալայջյան․ ընտանիքի, նոր ֆիլմի, առաջին հայացքից սիրահարվելու և հայրության մասին
22 Նոյեմբերի 2026, 14:00
Հեռուստադիտողները սովոր են Արտյոմ Քալայջյանին տեսնել որպես կենսուրախ ու հումորով մարդու։ Սակայն էկրանային այդ կերպարի հետևում շատ ավելին է թաքնված՝ խոր ներաշխարհ, կյանքի նուրբ ընկալում, ընտանիքին անմնացորդ նվիրվածություն, հաղթահարված փորձություններ և անձնական կյանքի ոչ դյուրին պատմություններ։
«Alter ego» նախագծի նոր թողարկման շրջանակում զրուցում ենք Արտյոմի դժվարին մանկության, Աբխազիայի պատերազմի հիշողությունների, հայկական արմատների և նրա կայացման գործում մեծ դեր խաղացած մարդու՝ պապի մասին։ Անդրադառնում ենք նաև դեպի ճանաչում տանող ուղուն, արդեն անցյալում մնացած «Непосредственно Каха» նախագծին և Գարիկ Մարտիրոսյանի հետ ծանոթությանը։
Առանձնահատուկ ուշադրություն ենք դարձնում Արտյոմի ստեղծագործական կյանքի նոր փուլին՝ մեկ միլիոն ռուբլի բյուջեով լիամետրաժ ֆիլմի նկարահանման նախապատրաստական աշխատանքներին։ Ո՞րն է նախագծի գաղափարը, որտե՞ղ են անցկացվելու նկարահանումները, և ի՞նչ փուլում է այժմ ֆիլմի ստեղծումը։
Ինչպե՞ս սկսվեց Արտյոմի և Դիանայի սիրո պատմությունը, և ինչո՞ւ նա առաջին իսկ հանդիպումից հասկացավ, որ հենց Դիանայի հետ է ցանկանում ընտանիք կազմել։ Զրուցում ենք ընտանեկան կյանքի, դստեր ծննդին սպասելու դժվարին ճանապարհի, հայրության և երեխաների դաստիարակության մասին՝ անդրադառնալով նաև այն հայկական ավանդույթներին ու արժեքներին, որոնք Արտյոմը ձգտում է փոխանցել սերունդներին։
Արդյունքում ստացվել է անչափ անձնական, անկեղծ ու ջերմ զրույց այն ամենի մասին, ինչը սովորաբար մնում է կադրից դուրս՝ զգացմունքների, կորուստների, ներքին ուժի և կյանքի իրական առաջնահերթությունների մասին։
«Alter ego»՝ Նոննա Ալեքսանյանի բացառիկ հարցազրույցները հայտնի ու հետաքրքիր մարդկանց հետ, որոնց միավորում է սերը Հայաստանի հանդեպ։