Գոհար Գասպարյան․ աշխարհահռչակ օպերային երգչուհին

Alpha News-ը շարունակում է ներկայացնել «Ալֆա պերսոնա» շարքը:

Այսօր՝ դեկտեմբերի 14-ին, լրանում է աշխարհահռչակ հայ օպերային երգչուհի Գոհար Գասպարյանի ծննդյան 99-ամյակը:

Գասպարյանը ծնվել է Կահիրեում, սովորել Գալուստյանների երաժշտական քոլեջում։ Երաժշտական կրթությունը ստացել է Իտալիայից պրոֆեսորներ Էլիզ Ֆելդմանի և Վինչենցո Կարոյի ղեկավարությամբ։

Երգչուհուն ուրախ էին տեսնել ԽՍՀՄ շատ քաղաքներում և արտերկրում՝ Լեհաստանում, Հունգարիայում, Ռումինիայում, Անգլիայում, Ֆրանսիայում, Ճապոնիայում, ԱՄՆ-ում, Կանադայում, Բրազիլիայում, Մեքսիկայում, Թուրքիայում:

Չի կարելի չնշել, որ Գոհարը բավականին խորը և բազմակողմանի անձնավորություն էր։ Դա դրսևորվել է ինչպես արվեստում, այնպես էլ անձնական կյանքում։ Դժվար է գտնել մեկին, ով վատն է խոսում նրա մասին։

Իսկ 1988-ի Սպիտակի ողբերգական երկրաշարժից հետո Գասպարյանը չկարողացավ անցնել իր բազմաչարչար ժողովրդի վշտի կողքով և խոստացավ, որ հոնորարի առյուծի բաժինը տալու է բարեգործությանը: Նա ընդգրկված էր ամենաբարձր վարձատրվող երգիչների հնգյակում, ովքեր ԽՍՀՄ-ում մեծ գումարներ էին ստանում արտարժույթով հյուրախաղերի համար:

Նա չէր վախենում արտահայտել իր տեսակետներն ու դիրքորոշումը, ինչի ապացույցն է հյուրախաղերի ժամանակ Թուրքիայում տեղի ունեցած դեպքը, երբ այդ երկիրը նշում էր Քեմալ Աթաթուրքի մահվան տարելիցը։ Անկարայում խորհրդային դեսպանատնից ծաղիկներ են բերել՝ ասելով, որ Գոհար Գասպարյանը պետք է դրանք դնի Աթաթուրքի գերեզմանին։ Երգչուհին քաղաքավարիորեն հրաժարվել է և փոխարենը մեկնել Վանա լիճ։

Ամենահետաքրքիրն այն է, որ Գոհար Գասպարյանի՝ հասարակության մեջ ունեցած հնարավորություններով և դիրքով նա կարող էր հանգիստ ապրել աննախադեպ շքեղության մեջ և վայելել կյանքի բոլոր բարիքները աշխարհի ցանկացած կետում: Սակայն օպերային դիվան ցանկացել է ապրել սիրելի ու հարազատ Հայաստանում, որտեղն էլ նրա վերջին հանգրվանն էր:

Գոհար Գասպարյանը կյանքից հեռացել է 2007 թվականի մայիսի 16-ին: