Խաղաղապահների ներկայության երկարաձգումը կախված է Բաքվի գործողություններից. Պյոտր Կոլչին

Ռուս քաղաքագետ Պյոտր Կոլչինը Alpha News-ի հետ զրույցում մեկնաբանել է Արցախում ռուս խաղաղապահների ներկայության հարցը:

Փորձագետի կարծիքով՝ ռուս խաղաղապահների ներկայությունը որպես տարածաշրջանի անվտանգությունն ամրապնդող գործոն, նույնիսկ բխում է Բաքվի շահերից:

«Բաքվի համար սկզբունքորեն կարևոր է թույլ չտալ նոր էսկալացիա այդ տարածքում, ուստի ռուս խաղաղապահների ներկայությունը՝ որպես տարածաշրջանի անվտանգությունն ամրապնդող գործոն, նույնիսկ բխում է Բաքվի շահերից։ Պետք չէ սպասել, որ մոտ ժամանակներս ադրբեջանական իշխանությունները պնդեն՝ խաղաղապահ զորակազմը հեռանա։ Ռուսաստանը չի սպառնում Ադրբեջանի անվտանգությանը, և խաղաղապահների, խաղաղապահ զորակազմի ներկայությունը որևէ վտանգ չի պարունակում։ Իսկ ինչ-որ PR նպատակներով խաղաղապահներին վտարելը նույնպես չի բխում Բաքվի շահերից, որը վերջին տարիներին փորձում է ամուր տնտեսական հարաբերություններ հաստատել Ռուսաստանի հետ։ Այդ պատճառով, կարծում եմ, առաջիկա տարիներին խաղաղապահների հարցը հաստատ չի լինի ադրբեջանական իշխանությունների օրակարգում», — ասել է քաղաքագետը։

Ինչ վերաբերում է 2025 թվականից հետո Ղարաբաղում ռուսական խաղաղապահ զորակազմի ներկայության երկարաձգմանը, ապա, ըստ փորձագետի, դա կախված է նրանից, թե ինչպիսին կլինի իրավիճակը տարածաշրջանում:

«Այնուամենայնիվ, ռուս խաղաղապահները երաշխավորն են, որ ադրբեջանական իշխանությունները ագրեսիա չեն ցուցաբերի մնացած բնակչության նկատմամբ։ Հարկ է նշել, որ շատ բան կախված է Բաքվի գործողություններից, թե որքանով Բաքուն կկարողանա Ղարաբաղում կառուցել հակամարտությունից զերծ և արգելքներից զերծ միջավայր՝ առանց հեղափոխության մեջ ընկնելու», — եզրափակել է Կոլչինը: