Բելորեչենսկի հայկական մշակութային կենտրոնում փոխինձի և խաշիլի պատրաստման վարպետության դաս է անցկացվել

Բելորեչենսկ քաղաքի հայկական մշակութային կենտրոնում տեղի է ունեցել արդեն ավանդույթ դարձած հերթական վարպետության դասը՝ հայկական ավանդական փոխինձ և խաշիլ ուտեստների պատրաստման վերաբերյալ:

Փոխինձը տապակած ցորենի հատիկներից պատրաստված ալյուր է, որը ավելացվում է կաթնային ապուրներին՝ դրանց խտություն ու համ տալու համար, դրանից պատրաստում են թխվածքաբլիթներ և հալվա, ինչպես նաև՝ այլ ուտեստներ:

Քարե ջրաղացների վրա ցորեն աղալը եզակի տեխնոլոգիա է, որը եկել է մեզ մեր նախնիներից: Վարպետության դասին մասնակիցները բերել էին հին քարե ջրաղաց և ցուցադրել դրա աշխատանքը: Նրանք ոչ միայն ուսումնասիրել են փոխինձի պատրաստման բոլոր փուլերը, այլև իրենք են փորձել մանրացնել հատիկները։

Երկրորդ ճաշատեսակը, որը պատրաստել են այդ օրը, խաշիլ շիլան է, որը տարածված է Հայաստանի բոլոր մարզերում, բայց հատկապես՝ Արցախում, որտեղ այս շիլան մատուցում են կարագով տապակած սոխով և մածունով։ Խաշիլը տաք ուտեստ է, որը մատուցվում է նախաճաշին կամ ճաշին։