Օմսկից Արտյոմ Զախարյանն առաջին տեղն է զբաղեցրել Ռուսաստանում կայացած փառատոնին

Օմսկում անցկացվել է մանկապատանեկան փառատոն։ Հանդիսատեսները հնարավորություն են ունեցել դիտելու մարտական ​​և ուժային մարզաձևերի մրցումներ՝ բռնցքամարտ, քիքբոքսինգ, խառը մենամարտեր, բազկամարտ, թեյթլլիֆթինգ:

Միջոցառումն անցկացվել է Օմսկի մարզի կառավարության աջակցությամբ։ Այս մասին հաղորդում է «Օմսկի հայերի միություն» տելեգրամյան ալիքը։

Փառատոնին ներկա է եղել նաև MMA-ի մարտիկ Արմեն Ղուլյանը։ Օմսկի երիտասարդ բնակիչ Արտյոմ Զախարյանը 7 տարի քիքբոքսինգ է պարապում RSEA1 մարզադպրոցում՝ «Ֆայթեր» մարզական ակումբում (մարզիչ՝ Օլգա Անդրեևնա Մաքսիմովա): Արտյոմը Օմսկի մարզի կրկնակի չեմպիոն է 47 կգ քաշային կարգում և ունի մեծահասակների երկրորդ կարգ։

«Փառատոնին Արտյոմը միանգամից երկու քաշային կարգերում գրավեց առաջին տեղը։ Հարկ է նշել, որ Արտյոմը շատ բազմակողմանի երիտասարդ է։ Նա նաև սովորում է հայկական դպրոցում, սովորում է դհոլ նվագել (հայկական ժողովրդական հարվածային գործիք)»,- ասվում է հայտարարության մեջ։